Бөлүмдөр
Шейшемби, 23-январь
69.34    85.18    1.23    KZT 0.21
Нарын

Фото - Жумгалдагы жол кырсыктан 3 эркек, 1 аял каза болду

Turmush -  Нарын облусунун Жумгал районундагы жол кырсыктан 4 адам көз жумду. Turmush басылмасынын кабарчысы тактаган маалымат боюнча, 18-ноябрда саат 12:30 чамасында «Ауди-100» үлгүсүндөгү унаанын айдоочусу рулду башкара албай, унаа оодарылып кеткен. Анын кесепетинен 3 эркек жана 1 аял киши ошол жерде каза болгон. Андан тышкары 1 адам жаракат алды.

Каза болгондордун жансыз денелери туугандарына берилип, жабырлануучу райондук ооруканага жеткирилген.

ИИМдин Патрулдук милиция башкармалыгынын билдирүүсү боюнча, аталган кырсык Балыкчы—Казарман унаа жолунун 234-чакырымындагы Өрнөк айылында болгон.

«Нарын облусунун 1969-жылы туулган тургуну А.Т. бурулуштан унаанын башкаруусун жоготуп, унаа 12 метр бийиктеги жардан кулап кеткен. Бул факты боюнча экпертизалар дайындалды. Тергөө иштери жүрүп жатат», - деп билдирди.

кырсык.jpg

кырсык1

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 6218
Комментарии
Обсуждения закрыты
Көп окулду
Учурда окулуп жатат
×