Бөлүмдөр
Жекшемби, 21-апрель
Нарын облусуЖумгал району 16.12.2018 15:29

44 жаштагы Майрамбек Исаков Жумгал айыл өкмөтүнүн башчысы болду (өмүр баяны)

Turmush -  Жумгал районунун Жумгал айыл өкмөтүнүн башчысы болуп Майрамбек Исаков шайланды. Шайлоо 7-декабрь күнү өткөнүн аталган айыл өкмөттөн билдиришти.

Бул кызматка жалпы 3 талапкер ат салышып, М.Исаков 7 добуш, Мырзабек Орозалиев 2 добуш, Улан Турсунов 1 добушка ээ болгон. Шайлоого 11 депутаттын ону катышкан.

Исаков Майрамбек Мусаевич 1974-жылы 20-декабрда төрөлгөн. Ал 1991-1994-жылдары Нарын педагогикалык окуу жайында билим алып, дене тарбия мугалими кесибине ээ болгон. Андан кийин 1996-2002-жылдары И.Арабаев атындагы Кыргыз мамлекеттик педагогикалык университетинде окуган.

- 1994-1996- жылдары Жумгал районундагы Лама орто мектебинде биология мугалими;

- 1996-2003-жылдары аталган мектептин директорунун орун басары;

- 2003-2008-жылдары Лама айылынын башчысы;

- 2004-2008-жылдары Жумгал айыл кеңешинин депутаты;

- 2016-жылдан баштап 2018-жылга чейин Жумгал айылдык кеңешинин депутаты болгон.

Ал "КРдин айыл чарбасынын отличниги" төш белгисинин ээси. М.Исаев 3 уул жана 3 кыздын атасы.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×