Бөлүмдөр
Шаршемби, 18-сентябрь
Нарын облусуЖумгал району 03.09.2019 11:45 На русском

Жумгалдагы О.Ногойбаев атындагы мектептин окуучулары кайрадан эски имаратка киришти

Turmush -  Нарын облусунун Жумгал районунун Чаек айыл өкмөтүнө караштуу Ак-Татыр айылындагы Отунчу Ногойбаев атындагы орто мектебинин жаңы имараты 1-сентябрга даяр болбой, окуучулар эски мектепте окуп жатышат, деп билдирди аймактык кабарчы.

Буга чейин жергиликтүү бийлик мектептин курулушу 1-сентябрда бүтүп, балдар жаңы мектепке кирип калат деп айтышкан.

2014-жылы Нарын облустук капиталдык курулуш башкармалыгы менен «Авангард-Строй» ЖЧКсынын ортосунда өткөрүлгөн тендердин жыйынтыгы менен Отунчу Ногойбаев атындагы орто мектебинин 275 орундуу жаңы имаратын куруу жөнүндө келишим түзүлгөн. Жаңы имараттын сметалык баасы — 64 млн 844 миң сом. Келишимдин негизинде курулуш иштери 2016-жылдын ноябрь айында аяктамак.

Нарын облусунун Жумгал району боюнча бүгүнкү күндө 876 мугалим эмгектенет, жалпы 8672 окуучу окуйт. Быйыл 1-класска болжол менен 967 бала кирди.

Тема боюнча: «8 миллион сом эмне болду?»: Жумгалда мектеп курган «Авангард-Стройдун» жетекчиси кармалды

«Ат сарайдан айырмасы жок»: Жумгалда мектептин курулушу 2 жылдан бери бүтпөй келет (видео, сүрөт)

Дубалдары чириген жаңы имарат: Жумгалда 2017-жылы ачыла турган мектептин курулушу 4 жылдан бери бүтпөй келет (фото)

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×