Бөлүмдөр
Шаршемби, 18-сентябрь
Нарын облусуЖумгал району 12.09.2019 15:23

Туюк-Суудагы эл эмки жылдын жаз айларында коопсуз жайга көчүрүлөт

Turmush -  Миң-Куштагы уран калдыгы көмүлгөн аймакка жакын жашаган тургундарды көчүрүү иштери 2020-жылдын жаз айларында башталары дубан башчы Эмилбек Алымкулов тургундар менен жолуккан маалда белгилүү болду.

Бүгүн, 12-сентябрда өкмөттүн Нарын облусундагы ыйгарым укуктуу өкүлү Эмилбек Алымкулов Жумгал районуна болгон иш сапарынын алкагында Миң-Куш айылына барды.

Өкүлдүн басма сөз кызматы билдиргендей, дубан башчы Миң-Куштагы көмүр казуучу ишканалардын иши менен таанышты. Андан кийин тургундар менен жолугуп, алардын көйгөйлөрүн укту. Анда уран калдыгы көмүлгөн аймакка жакын жайгашкан Туюк-Суу элин коопсуз жайга көчүрүү, зыяндуу заттардын калдыктарын тазалоо сыяктуу маселелер көтөрүлдү.

Дубан башчы Туюк-Суу аймагындагы 23 түтүндү коопсуз жайга көчүрүү маселеси өкмөттүк деңгээлде чечилип, эмки жылдын жаз айларында көчүрүү иштери башталарын айтты. Ошондой эле, калдыктарды тазалоо маселеси боюнча эл аралык деңгээлде иштер жүрүп жатканы билдирди.

Тема: Уран сериалы: Тагдыры татаал Туюк-Суудагы эл жана 1 миллион сом... Видео

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×